Hi church! It’s been a while since I wrote on our page. As some of you already know, my schedule has been changed dramatically and it has been very difficult to find time to write. Today’s readings are already on Nehemiah, one of the more popular books of the old testament.
Here’s a quick recap: since Israel and Judah became sinful after the reign of David and Solomon, God handed them over to Babylon as captives for 70 years. Yung dating malakas at masagana na Israel ngayon ay mga preso ng Babylon. Bagamat maginhawa ang buhay nila sa Babylon, para silang mga OFWs… malayo sa sariling bayan at hindi lubusang malaya na makakilos.
After 70 years, ang unang kinilusan ng Panginoon ay si Zerubabbel at si Ezra. By that time, natalo na ang Babylon at ang sumasakop na sa kanila ay ang Persia. The Lord touched King Cyrus’ heart and pinayagan niya si Ezra at Zerubabbel na bumalik sa Jerusalem at itayo ang temple.
Now eto na si Nehemiah. Maganda ang trabaho niya sa palasyo, comfortable at maganda ang kinabukasan niya. Ng dumating yung ilan na dumalaw sa Jerusalem, sinabi sa kanya na yung kanilang pader ay kawawa. Labis na nalungkot si Nehemiah kasi during that time sa kultura nila, ang mga walls ng isang city ay mahalaga. Kapag walang pader, exposed ang mga tao at mga properties nila sa mga magnanakaw at sa mga kalaban. Wala silang security, wala silang strength, at anytime na gusto silang lusubin ng kalaban ay hindi sila maka tanggi. Kaya naman kumilos ang Panginoon sa loob ni Nehemiah, at sa kamay ng Panginoon naka balik siya sa Jerusalem para itayo muli ang mga pader.
Eh ano naman kinalaman nito satin ngayon?
Tulad ng Israel, lahat tayo broken ang ating mga pader. Lahat tayo kanya-kanyang naka tikim ng brokenness. Lahat tayo nakatikim ng pait, ng sakit, ng dagok ng buhay. Sa totoo lang kawawa tayo, kasi bawat lusob sa atin ng kaaway at ng kasalanan ay wala tayong ka laban-laban. Sunod-sunuran tayo kay taning at sa kasalanan.
Pero nang dumating ang takdang panahon, kumilos ang ating Dakilang Nehemiah: si Hesus, na bagamat komportable na Siya sa langit, maayos ang Kanyang kalagayan duon, kasama Niya ang Hari, nadurog ang puso Niya nang makita ang kalagayan natin. Kaya naglakbay Siya papunta dito sa atin at namatay sa krus upang maging ating Dakilang Pader.
Kung papayagan mo lang Siya, Siya mismo ang magiging Pader sa buhay mo; haharangin Niya si Taning, at tuwing susutsutan ka ng kasalanan ay palalakasin ka Niya para hindi ka maging sunud-sunuran.
Sana, huwag ka nang maging pasaway. Kasi kahit may Pader na, madalas mahilig tayo mag laro sa labas ng Pader. Inuuna natin yung gusto natin, hindi yung gusto Niya. Umuwi na tayo; balik na tayo sa loob ng Pader para hindi tayo nagugulpi ni Taning.
I’m praying for all of you today! I pray that you will find Jesus as your wall, sa Kanya ka magkubli at sa Kanya ka manatili. Godblessyou all!
Mesmerized by Jesus 